| e-texts navigator |
| བོད་ཡིག |
263a1 bskal pa bzang po 'di 'das pa'i 'og tu de bzhin gshegs pa mi 'khrugs pa'i sangs rgyas kyi zhing / 'jig rten gyi khams mngon dgar skye bar 'gyur te/ bud med kyi dngos po brjes nas/
263a2 skyes pa'i dngos po thob par 'gyur ro// khyod ni de bzhin gshegs pa mi 'khrugs pas bla na med pa yang dag par rdzogs pa'i byang chub tu lung bstan par 'gyur ro// de nas rgya mtsho chen po'i lha
263a3 mo 'od ldan mas/ bcom ldan 'das las bdag nyid kyi lung bstan pa thos nas/ tshim zhing mgu la yi rangs te/ rab tu dga' zhing dga' ba dang / yid bde ba skyes te/ rgya mtsho'i rin po che dang / rin thang mnyam
263a4 pa'i rin po che'i phreng ba bcom ldan 'das kyi sku la gsol nas sor mo bcu'i thal mo sbyar te/ de'i tshe bcom ldan 'das la tshigs su bcad pa 'di dag smras so// bdag ni thub pa ye shes yon tan kun gyi
263a5 'byung gnas de yis lung bstan te/ / bdag ni 'dren par 'gyur bar bdag la yid gnyis the tsom ci yang yod ma mchis// stong gsum sa gzhi thams cad rnam par zhugs shing zla ba sa la ltung yang gda'//
263a6 lha las lhag pa'i lhas mchod sangs rgyas phyin ci log gi tshig gsung yongs mi gda'// bsam pa byams pa brtson 'grus yul la thugs ni 'khrugs par 'gyur ba mi mnga' ltos// bdag ni stong pa'i
263a7 ye shes yul gyi chos rnams dag la gus par bgyid la ltos/ / bde bar gshegs pa'i yang dag spyod pa rnams dang ye shes thogs pa mi mnga' ltos// de yis 'dir ni bdag gi sems kyi yul bden
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo