| e-texts navigator |
| བོད་ཡིག |
260b1 'das kyis de'i tshe/ bya'i rgyal po nam mkha' lding bzhi po de dag gis ci nas tshe rabs dran par 'gyur ba dang / de bzhin gshegs pa gser thub de dang / der dge slong du gyur nas las mngon par 'du
260b2 byed pa/ mngon par 'dus byas pa de dag thams cad rjes su dran par 'gyur ba/ de lta bu'i rdzu 'phrul mngon par 'du byed pa mdzad do// de dag gis kyang mngon sum du bcom ldan 'das la 'di skad ces
260b3 gsol to/ / bcom ldan 'das sems ni dmu rgod gdul dka' zhing / srung dka' ba lags te/ der bdag gi sems brkam chags can du gyur pas/ bcom ldan 'das de bzhin gshegs pa gser
260b4 thub de ma mnyes par bgyis so/ / bcom ldan 'das bdag cag gis/ da slan chad rang gi srog kyang yongs su gtang bar 'tshal gyi/ sdig pa'i las ni mi bgyid do// bcom ldan 'das kyis de dag chos
260b5 kyi gtam gyis dga' ba bskyed nas/ 'di skad ces bka' stsal to// grogs po dag khyed de bzhin gshegs pa byams pa'i 'dus pa dang po'i grangs su gtogs par 'gyur ro// de nas
260b6 bcom ldan 'das kyis/ rgya mtsho chen por sems can gyi don ji snyed bya dgos pa de dag thams cad mdzad nas/ klu'i rgyal po rgya mtsho la bka' stsal pa/ klu'i bdag po tshur shog/ da rang gi mal cha
260b7 dang stan rnams sdus shig/ nga ni rang gi gnas su 'gro'o// de nas bcom ldan 'das zham ring ba dang bcas par gdan las bzhengs nas/ rgya mtsho chen po'i nang nas/ phyir yang
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo