| e-texts navigator |
| བོད་ཡིག |
258a1 de blangs te/ dum bu 'bum phrag du mar byas nas/ klu thams cad dang / klu gzhon nu thams cad la so sor byin no// der su ji tsam du 'dod pa de la de tsam gyis gos su mngon par
258a2 'grub par 'gyur te/ yangs shing rgya che bar 'gyur la/ ras phrag zar de yang yongs su zad par mi 'gyur ro// de nas klu'i rgyal po rgya mtshos/ klu'i rgyal po de dag thams cad la smras pa
258a3 grogs po dag ras phrag zar de la ston pa'i 'du shes dang / mchod rten gyi 'du shes skyed cig/ de ci'i phyir zhe na/ ras phrag zar 'di ni/ de bzhin gshegs pas longs spyad pa yin te/ sems can thams
258a4 cad kyi mchod rten du gyur pa yin no/ / grogs po dag de bzhin gshegs pa la mchod pa byed pa gang yin pa dang / ras phrag zar 'di la mchod pa byed pa gang yin pa de la ni/ bye brag gam/ tha dad du bya ba cung
258a5 zad kyang med do/ / de nas bcom ldan 'das kyis/ klu'i rgyal po rgya mtsho la legs so// zhes bya ba byin te/ klu'i bdag po legs so legs so// khyod kyis ji skad smras pa bzhin te/
258a6 ras phrag zar de la mchod pa byed pa gang yin pa de dag gis ni/ de bzhin gshegs pa la mchod pa byas pa yin no// klu'i bdag po klu dang / klu'i gzhon nu dang / klu'i bu mo ji snyed kyis ras phrag zar de las
258a7 dum bu dum bur khyer ba mthong ngam gsol pa/ bcom ldan 'das mthong lags so// bcom ldan 'das kyis bka' stsal pa/ 'di dag thams cad ni bskal pa bzang po 'di kho na la yongs su mya ngan
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo