rKTs

e-texts navigator

Volume

Page

256a₁ sangs rgyas kun tu rnam par gzigs shes bya bar 'gyur ro/ / 'jig rten gyi khams snang ba can de yang / de bzhin gshegs pa de'i 'od kyis rtag tu snang bar 'gyur ro// zham ring ba byang chub
256a₂ sems dpa' ni bye ba phrag dgu bcu rtsa gnyis su 'gyur ro/ / de'i tshe'i tshad ni bar gyi bskal pa bcur 'gyur ro// de nas klu'i bu mo khri bo de dag gis kyang / bcom ldan 'das la 'di skad ces
256a₃ gsol to/ / bcom ldan 'das gang gi tshe de bzhin gshegs pa kun tu rnam par gzigs des byang chub brnyes pa de'i tshe/ bdag cag 'jig rten gyi khams der skye bar gyur cig gsol nas/ de dag kyang bcom
256a₄ ldan 'das kyis/ 'jig rten gyi khams der skye bar lung bstan to// de nas bcom ldan 'das la/ lha'i dbang po brgya byin gyis 'di skad ces gsol to// bcom ldan 'das sum cu rtsa gsum pa'i
256a₅ lha 'di dag ni/ lha ma yin gyi 'jigs pas/ rtag tu skrag bzhin du gnas la/ lha dang / lha ma yin g.yul 'gyed pa na yang / phan tshun 'gyed cing rtsod par 'gyed de/ de bas na bcom ldan 'das de bzhin gshegs
256a₆ pas/ ci nas sems can thams cad sems 'thun par 'gyur ba de lta bur chos bstan na legaso lags so// 'khor 'dir lha dang / lha ma yin 'dus pa 'di dag thams cad kyang / ci nas gcig la gcig 'thun
256a₇ par bgyid pa dang / byams par sems pa dang / ngan par sems pa dang / gnod par sems par mi 'gyur ba de lta bur sems dad par bcom ldan 'das kyis mdzad du gsol/ de nas

_{iiif viewer powered by OpenSeadragon}

255b - 256b

Texts on this page