rKTs

e-texts navigator

Volume

Page

255b₁ pa 'di 'dra ba las na/ khyod ni ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// smras pa/ gang gi tshe gnas brtan byang chub mngon par rdzogs par
255b₂ 'tshang rgya bar 'gyur ba de'i tshe/ bdag kyang mngon par rdzogs par 'tshang rgya bar 'gyur lags so// smras pa/ kho bo byang chub mngon par rdzogs par 'tshang rgya bar 'gyur ba de ni gnas med/ skabs med do//
255b₃ smras pa/ de de lta lags te/ byang chub ni gnas ma mchis pa la gnas pa ste/ de ni sus kyang mngon par rdzogs par 'tshang rgya bar mi nus lags so// bu mo des bstan pa 'di bshad pa na// byang chub sems dpa'
255b₄ lnga brgyas mi skye ba'i chos la bzod pa thob par gyur to/ / bcom ldan 'das kyis kyang bu mo de la legs so// zhes bya ba byin te/ bu mo legs so legs so// khyod kyis chos bstan pa 'di legs par smras so// /
255b₅ / bam po drug pa// de nas 'khor de'i nang nas/ lha dang / klu dang / gnod sbyin dang / dri za kha cig 'di snyam du sems te/ bu mo 'di yun ji srid cig na/ bla na med pa
255b₆ yang dag par rdzogs pa'i byang chub mngon par rdzogs par 'tshang rgya bar 'gyur snyam pa dang / bcom ldan 'das kyis de dag gi bsam pa thugs su chud nas/ dge slong dag la bka' stsal pa/ dge slong dag bu mo
255b₇ rin chen sna tshogs can 'di ni bskal pa grangs med pa sum brgya na/ / bskal pa rnam par sbyong ba zhes bya ba la/ 'jig rten gyi khams snang ba can du de bzhin gshegs pa dgra bcom pa yang dag par rdzogs pa'i

_{iiif viewer powered by OpenSeadragon}

255a - 256a

Texts on this page