| e-texts navigator |
| བོད་ཡིག |
255a1 byang chub yin na/ ci chos kyi 'khor lo bskor ram/ smras pa/ bdag ni chos kyi 'khor lo bskor la gnas so// smras pa/ khyod kyis chos kyi 'khor lo bskor ba de ji lta bu zhig/ smras pa/
255a2 'khor lo de ni rten thams cad dang bral ba'i slad du mi g.yo ba lags so// 'khor lo de ni chos kyi dbyings la gnas pa'i tshul gyis gnas pa ma mchis pa lags so// 'khor lo de ni bral ba ma mchis pa'i tshul gyis
255a3 de bzhin nyid lags so/ / 'khor lo de ni yang dag pa'i mtha' la gnas pas mi gnas pa lags so// 'khor lo de ni gnas thams cad las byung ba ma lags pas gnas ma mchis pa lags so// 'khor lo
255a4 de ni chos thams cad kyi mnyam pa nyid kyi rjes su song bas/ gnyis su ma mchis pa lags so// 'khor lo de ni gcig dang tha dad par mi dmigs pas/ tha dad pa ma lags so// 'khor lo de ni sgra dang / skad dang / tshig
255a5 gi lam thams cad ro gcig pas/ brjod du ma mchis pa lags so// 'khor lo de ni shin tu kun nas nyon mongs pa can ma lags pas/ rnam par dag pa lags so// 'khor lo de ni chad pa dang rtag pa mi dmigs
255a6 pas yod pa yongs su chad pa ma lags so/ / 'khor lo de ni rgyu dang rkyen shin tu brtags pas 'gal ba ma mchis pa lags so// 'khor lo de ni bden pa lags so// 'khor lo de ni mi skye mi 'gag pa lags
255a7 so/ 'khor lo de ni stong pa nyid dang / mtshan ma med pa dang / smon pa med pa lags so// btsun pa 'od srungs chen po 'khor lo de 'dra ba gang lags pa de'i bskor ba ji 'dra ba zhig lags smras pa/ bu mo khyod kyis bstan
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo