rKTs

e-texts navigator

Volume

Page

254b₁ yongs su dag pa'i gtam lags so/ / chos thams cad tha dad pa ma mchis pa'i gtam lags so// smras pa/ bu mo 'di ni de bzhin gshegs pa rnams kyi byang chub dang 'thun pa ma yin no// smras pa/ btsun pa
254b₂ 'od srungs chen po de ni med de/ 'di ni de bzhin gshegs pa rnams kyi byang chub dang 'thun pa ma lags so// de ci'i slad du zhe na/ 'di ltar de bzhin gshegs pa rnams kyi byang chub ni brjod du ma mchis pa bsnyad du
254b₃ ma mchis pa lags pa'i slad du'o/ / btsun pa 'od srungs chen po bshad pa'i dngos po gang lags pa de dag thams cad ni sgras rnam par dbye ba lags la/ byang chub gang lags pa de ni don dam par smras brda sprad
254b₄ par mi nus lags so/ / btsun pa byang chub ces bgyi ba 'di ni nye bar zhi ba'i gzhi lags so// 'di ni yi ge ma mchis pa'i gzhi lags so// 'di ni ji lte ba bzhin gyis gzhi lags so// 'di ni gzhi ma mchis
254b₅ pa'i gzhi lags so/ / smras pa/ bu mo gal te byang chub kyi mtshan nyid de lta bu yin na/ de ji ltar mngon par rdzogs par 'tshang rgya bar 'gyur/ smras pa/ btsun pa 'od srungs chen po lus dang sems kyis mngon par
254b₆ rdzogs par 'tshang rgya bar mi 'gyur ro/ / de ci'i slad du zhe na/ byang chub ni lus dang sems kyi ngo bo nyid kho na lags te ngo bo nyid kyis ngo bo nyid mngon par rdzogs par 'tshang rgya bar mi 'gyur ro// smras pa/ bu mo ci
254b₇ khyod byang chub mngon par rdzogs par 'tshang rgya bar 'gyur ram/ smras pa/ bdag nyid byang chub lags te/ byang chub kyi byang chub mngon par rdzogs par 'tshang rgya bar mi 'gyur lags so// smras pa/ bu mo gal te khyod nyid

_{iiif viewer powered by OpenSeadragon}

254a - 255a

Texts on this page