| e-texts navigator |
| བོད་ཡིག |
249b1 sangs rgyas kyi chos dang / chos kyi dbyings dang dbyer med pa'i ye shes mthong ba ni lung bstan pa'o// bdud thams cad dang mtshungs par bdud kyi nyon mongs pas kun nas nyon mongs pa can du mi 'gyur te/
249b2 rang bzhin gyis yongs su dag pa'i sems dang ldan pa ni lung bstan pa'o// stong pa nyid dang / mtshan ma med pa la mi rtog rnam par mi rtog la/ mi len mi 'dor ba ni lung bstan pa'o// klu'i bdag po
249b3 de ltar na sems dang yid dang / rnam par shes pa mi gnas pa lung bstan pa ji lta ba bzhin du chos thams cad kyang de dang 'dra ste/ dmigs su med do// chos thams cad mnyam pa nyid ji lta ba bzhin du
249b4 khong du chud pa ni byang chub yin te/ de la ni don dam par na gang gis lung bstan pa 'am// gang gis byang chub bam gang lung bstan par bya ba 'am/ gang gis lung bstan pa 'am/ cis lung bstan pa ci
249b5 yang mi dmigs so/ / klu'i bdag po de ci'i phyir zhe na/ chos thams cad ni dngos po med pa ste/ rtsa ba nas yongs su chad pa'i phyir ro// chos thams cad ni bdag po med pa ste/ rgyu dang rkyen rnams las
249b6 'byung ba'i phyir ro/ / chos thams cad ni gzung du med pa ste/ ngo bo nyid med pa'i mtshan nyid yin pa'i phyir ro// chos thams cad ni ngo bo nyid med pa ste/ bral ba med pa'i mtshan nyid yin pa'i phyir ro//
249b7 chos thams cad ni ma 'ongs pa ste/ sngon gyi mtha' nas ma 'phos pa'i phyir ro// chos thams cad ni med par gyur pa ste/ phyi ma'i mthar mi 'byung ba'i phyir ro// chos thams cad ni mi gnas pa ste/
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo