| e-texts navigator |
| བོད་ཡིག |
248b1 rgyal por 'gyur/ / brtson 'grus stobs dang ldan te dbang po'i rgyal mtshan zhes kyang bgyi// 'jig rten khams kyang dga' ba skyed pa'i bkod pa zhes bgyi ste// dga' ldan gnas dang 'dra bar 'byor cing
248b2 rgyas la lo yang legs/ / stobs bcu ldan gyi tshe ni lo grangs bye ba bdun cu ste// dge slong 'phags pa'i dge 'dun khrag khrig drug bcu tham par 'gyur// byang chub sems dpa'i dge 'dun khrag khrig phrag
248b3 bcu brgyad cu ste/ / thos pa dang ni 'dul ba 'dzin pa gzungs la shin tu gnas// bskal pa dge ba bkod pa zhes bgyi mdzes pa de dag tu// sems can brgya stong dag ni byang chub bkod pa bgyis nas kyang // 'di/
248b4 dag thams cad rim gyis byang chub mchog tu 'tshang yang rgya// byang chub sems mchog gi ni yon tan khyad par dag la ltos// der sgra gcan bzang pos lung bstan thos par gyur nas kyang // srog chags 'bum
248b5 phrag bzhi dag byang chub mchog la zhugs par gyur/ / legs par yon tan 'chang ba rnams kyi bsam pa'i khyad par gyis// stong gsum rab g.yos lhas kyang me tog char ni rab tu phab/
248b6 de nas bcom ldan 'das la klu'i rgyal po ma dros pas 'di skad ces gsol// bcom ldan 'das chos thams cad ni bdag ma mchis pa byed pa po ma mchis pa lags na/ lung bstan pa ni gang lags//
248b7 de bzhin gshegs pa ni gang lags/ byang chub mngon par rdzogs par 'tshang rgya ba ni gang lags/ bcom ldan 'das kyis bka' stsal pa/ klu'i bdag po de de bzhin te/ chos thams cad ni bdag med pa
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo