| e-texts navigator |
| བོད་ཡིག |
247b1 chos thams cad rang bzhin gyis stong pa nyid la 'jug pas/ chos zab mo'i tshul la 'jug pa ste/ sgra gcan chos bzhi po de dag dang ldan na/ byang chub sems dpas sems che ba nyid thob par 'gyur ro//
247b2 de nas lha ma yin gyi dbang po sgra gcan 'khor sum khri nyis stong dang bcas pa tshim zhing mgu la yi rangs te/ rab tu dga' zhing dga' ba dang yid bde ba skyes nas/ rin po che'i me tog
247b3 rin po che thams cad kyis spras pa khal bcu tshad nga rgyas bcom ldan 'das la gtor te/ bla na med pa yang dag par rdzogs pa'i byang chub tu sems bskyed nas/ de'i tshe bcom ldan 'das la tshigs su bcad pas
247b4 mngon par bstod pa/ / phyogs bcu dag na sems can khams rnams mtha' yas gang su dag/ skad cig thang cig yud tsam cag la rgyal ba mchod byed dang // phyogs bcu dag na sems can gang dag bskal
247b5 pa 'bum du yang / / mchod la brtson pa'i sems can dag ni phan pa byed pa dang // byams dang bsod nams 'phags pa'i rang bzhin las byung mchod pa rnams/ ji 'dra ba dang mtshungs shing
247b6 mnyam pa ma lags khyod la 'os/ / mtshungs med sems kyis yang dag gnas nas bskyed pa gang lags pa// de ni stobs bcu ldan pa rnams la rjed dang mchod pa lags// bdag ni
247b7 byang chub reg 'gyur snyam ste de la sgrim gnas nas/ / bdag ni g.yo med byang chub mtshungs ma mchis la zhugs pa lags// mi dbang las gzhan srid gsum su yang bdag gi dbang ma mchis//
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo