| e-texts navigator |
| བོད་ཡིག |
241a1 dbang gcig pur 'gyur ba yin te/ brgyad po de dag go// brdzun du smra ba spangs pa'i dge ba'i rtsa ba de gal te/ bla na med pa yang dag par rdzogs pa'i byang chub tu yongs su
241a2 sngo na/ des de bden pa'i rjes su 'jug pa'i tshig tu 'gyur ro// klu'i bdag po'i phra ma spangs pa'i skyes bu gang zag ni/ mi phyed pa lnga thob ste/ lnga gang zhe na/ gzhan gyis gnod par bya ba dang
241a3 bral bas lus mi phyed pa thob pa dang / gzhan dag gi la chags pa med pas g.yog 'khor mi phyed pa thob pa dang / las kyi rnam par smin pa mthong bas dad pa mi phyed pa thob pa dang / bsgrub pa
241a4 snying por byed pas chos las mi phyed pa thob pa dang / mi slu bas mdza' bshes mi phyed pa thob pa ste/ lnga po de dag go// dge ba'i rtsa ba de gal te bla na med pa yang dag par rdzogs pa'i byang chub
241a5 tu yongs su sngo na/ des de g.yog 'khor mi phyed pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur te/ de'i 'khor bdud dang phas kyi rgol ba thams cad kyis
241a6 dbye bar mi nus so/ / klu'i bdag po ngag rtsub po spangs pa'i skyes bu gang zag ni/ ngag yongs su dag pa brgyad thob la/ shi 'phos na yang lha dang mi rnams kyi nang du skye bar 'gyur te/ brgyad
241a7 gang zhe na/ 'di lta ste/ ran pa'i tshig dang / phan pa'i tshig dang / rigs pa'i tshig dang / 'jam pa'i tshig dang / gzung ba'i tshig dang / mnyan pa'i tshig dang / skye bo mang po dga'
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo