| e-texts navigator |
| བོད་ཡིག |
239a1 shing che ba rnams dang / gang dag lus phra zhing chung ba de dag thams cad kyang / rang rang gi sems dang / dge ba dang / mi dge ba'i rtsa ba'i lus dang / ngag dang / yid kyi/
239a2 las sna tshogs kyi sna tshogs su byas pa dag ste/ klu'i bdag po de lta bas na khyod kyis las bdag gir bya ba dang / las kyi rnam par smin pa la rten par 'gyur ba de ltar slobs shig dang / las bdag
239a3 gir bya ba dang / las kyi rnam par smin pa la rton pa khyed dge ba'i las mngon par 'du bya ba dag la blo 'jug par 'gyur ro// lta ba chud gzon par byed par mi 'gyur ro// chad pa dang / rtag par
239a4 lta ba la gnas par yang mi 'gyur ro/ / khyed kyis sbyin pa'i gnas mnyes par gyis shig/ mnyes par byas nas kyang thugs dbyung bar ma byed cig/ bkur sti'i rgyu las byung ba'i dge ba mngon
239a5 par 'du byed pas kyang lha dang bcas pa'i 'jig rten gyi bkur sti'i gnas su 'gyur bar gyis shig/ / bam po lnga pa/ klu'i bdag po byang chub
239a6 sems dpa' rnams kyi chos gcig gis ngan song ngan 'gro log par lhung bar skye ba yang dag par gcod do/ / chos gcig po de gang zhe na/ 'di lta ste/ bdag ji ltar gyur cing nyin mtshan rnams 'da'
239a7 zhing 'dug snyam du/ / dge ba'i chos rnams la so sor rtog pa ste/ de dge ba'i chos la so sor rtog pa mang bas mi dge ba'i sems dang sems las byung ba'i chos rnams kyi go skabs mi 'byed do// de
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo