| e-texts navigator |
| བོད་ཡིག |
225b1 mi rnams kyi nang du skye bar 'gyur te/ bskal pa bzang po 'di la sangs rgyas su 'gyur ba gang yin pa'i de bzhin gshegs pa de dag gi bstan pa la theg pa ji lta ba bzhin du mos par 'gyur te/ theg
225b2 pa chen po la zhugs pa rnams ma gtogs par thams cad kyang bskal pa bzang po 'di nyid la yongs su mya ngan las 'da' bar 'gyur ro/ / klu'i bdag po de bzhin gshegs pa'i bstan pa'i
225b3 che ba nyid dang / rab tu 'byung ba'i yon tan gyi rgyu'i khyad par la ltos/ 'di ltar sems can de dag mi dge ba'i chos thams cad spangs nas khyad par du 'gro bar 'gyur ro//
225b4 de nas bcom ldan 'das la klu'i rgyal po rgya mtsho'i bu dpal gyi gzi brjid kyis 'di skad ces gsol to// bcom ldan 'das sangs rgyas bcom ldan 'das rnams ni mthong ba dang / thos pa
225b5 don mchis pa lags te/ ngo mtshar lags so// 'di ltar rmad du mchis pa'i las can rnams kyis sangs rgyas la dmigs pa'i sems gcig tsam pa skyes pa yang chab 'tshal bar mi
225b6 'gyur te/ de ni de dag gi yongs su mya ngan las 'da' ba'i bar du rgyur 'gyur ba lags so// bcom ldan 'das bdag kyang bla na med pa yang dag par rdzogs pa'i byang chub 'di lta ste/ mthong ba
225b7 dang thos pa don mchis par sems bskyed par 'tshal lo/ / byang chub kyi snying po la thug gi bar du bdag gi byang chub sems dpa'i spyod pa don mchis par gyur cig/ bdag sems rmongs par
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo