| e-texts navigator |
| བོད་ཡིག |
225a1 sna tshogs kyis cho ga dang / 'tsho ba dang / tshul khrims nyams te/ shi 'phos nas/ klu'i skye gnas rnams su skye zhing skye bar 'gyur te/ klu'i bdag po rgyu ni de
225a2 yin no/ / rkyen ni de yin te/ des na da ltar klu dang / klu'i bu dang / klu'i bu mo rnams de ltar tshad med do// klu'i bdag po da dung yang nga yongs su mya ngan las 'das pa'i 'og/
225a3 phyi ma'i dus phyi ma'i tshe na dge slong sdig can rnams dang / dge slong ma sdig can rnams dang / dge bsnyen sdig can rnams dang / dge bsnyen ma sdig can rnams tshul khrims nyams pas
225a4 klu'i skye gnas rnams su skye bar 'gyur ro/ / de'i nang nas kha cig ni sems can dmyal ba rnams su lhung bar 'gyur ro// gsol pa/ bcom ldan 'das rab tu byung bar gtogs la/
225a5 tshul khrims nyams pa klu'i skye gnas rnams su skyes pa dang / skye bar 'gyur ba gang lags pa de dag gi las rnams la khyad par ci mchis lags/ bcom ldan 'das kyis bka' stsal
225a6 pa klu'i bdag po rab tu byung bar gtogs la/ tshul khrims nyams pa/ klu'i skye gnas rnams su skyes pa dang / skye bar 'gyur ba gang yin pa de dag gi sbyor ba ni yongs su ma dag la/
225a7 de bzhin gshegs pa'i bstan pa la yid ches pa'i phyir/ de dag gi bsam pa ni yod de/ de dag ni klu'i skye gnas de nas shi 'phos nas/ lhag pa'i bsam pa de'i stobs kyis/ lha dang
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo