rKTs

e-texts navigator

Volume

Page

221a₁ gang yin pa de ni/ gzungs 'di la sbyor ba yin no// sems can cha mnyam par spyod pa rnams kyi cha mnyam pa'i spyod pa yongs su shes pa'i sbyor ba dang / chos kyi dbyings la cha
221a₂ mnyam pa chad pa yang med pa'i sbyor ba gang yin pa de ni/ gzungs 'di la sbyor ba yin no// klu'i bdag po mdor bsdun/ spyod pa brgyad khri bzhi stong yongs su shes pa'i sbyor ba dang / chos kyi dbyings
221a₃ la sbyor ba yang med pa gang yin pa de ni/ gzungs 'di la sbyor ba yin no// klu'i bdag po gzhan yang sbyor ba gang yin pa dang / mi sbyor ba gang yin pa'i chos gang yang de la sbyor ba yang med/ mi
221a₄ sbyor ba yang med do/ / de ci'i phyir zhe na/ sbyor ba de ni snang ba yang ma yin/ brtags pa yang ma yin/ mtshan mar byas pa yang ma yin pa'i phyir te/ de bas na sbyor ba de ni yang dag pa'i sbyor ba
221a₅ yin no/ / yang dag pa'i sbyor ba yang chos gang yang 'dren par yang mi byed/ mi 'dren par yang mi byed/ 'dzin par yang mi byed/ gtong bar yang mi byed/ gnas par yang mi byed/ 'gro bar
221a₆ yang mi byed de/ de bas na sbyor ba de ni yang dag pa'i sbyor ba zhes bya'o// klu'i bdag po byang chub sems dpa'i de ltar sbyor ba ni/ mi zad pa'i za ma tog gi gzungs 'di thob par 'gyur ro//
221a₇ de nas de'i tshe bcom ldan 'das kyis tshogs su bcad pa 'di dag bka' stsal to// gang tshe de yis gzungs 'di thob gyur na/ de yi dran dang blo gros yongs su dag/ mdo sde rtogs pa

_{iiif viewer powered by OpenSeadragon}

220b - 221b

Texts on this page