rKTs

e-texts navigator

Volume

Page

219b₁ par gyur pa la yang mi 'jug/ 'bras bu 'thob par yang mi byed par/ ting nge 'dzin de la yang myong zhing zil gyis mnan te/ yang ma nyams ma snang bar ldang ngo // langs nas kyang sangs rgyas/
219b₂ kyi zhing yongs su sbyong // sangs rgyas kyi ye shes yongs su rdzogs par byed do// blo gros rgya mtsho ji ltar rtswa dang srog ma'i go cha bgos pa'i mi de mchongs ma thag tu mas tshig par 'gyur ba de bzhin du
219b₃ blo gros rgya mtsho nyan thos kyi theg pa'i gang zag 'khor bas 'jigs skrag pa srid pa la kun tu 'bar bar lta ste/ sems can rnams yal bar bor nas/ snying rje chen po dang bral te/ zhi ba zhi//
219b₄ ba'i ting nge 'dzin la reg nas gnas ma yin zhing go skabs med de/ gang brgyad pa 'bras bu ma thob par ldang ba de ni gnas med do// de ci'i phyir zhe na/ nyan thos ni bsod nams dang ye shes
219b₅ kyi tshogs ma bsags pa'i phyir ro/ / byang chub sems dpa' ni bsod nams dang / ye shes kyi tshogs tshad med pa bsags pa ste/ de ni sangs rgyas kyi chos thams cad yongs su ma rdzogs
219b₆ kyi bar du/ bar skabs su yang dag pa'i mtha' mngon sum du mi byed do// blo gros rgya mtsho de lta bas na/ byang chub sems dpas stong pa nyid dang / mtshan ma med pa dang / smon pa
219b₇ med pa dang / mngon par 'du bya ba med pa dang / ma skyes pa dang / ma byung ba'i chos thams cad la me 'bar ba lta bu'i 'du shes bskyed la chos de dag la yang so sor brtag par bya/ chos de dag

_{iiif viewer powered by OpenSeadragon}

219a - 220a

Texts on this page