| e-texts navigator |
| བོད་ཡིག |
216a1 sems na/ khyod kyis de ltar mi blta'o// de ci'i phyir zhe na/ mi zad pa'i za ma tog gi gzungs 'di nyid de'i tshe/ rin po che'i za ma tog ces bya'o// klu'i bdag
216a2 po de ltar na de bzhin gshegs pa ni/ sangs rgyas kyi spyan chags pa med pas rnam par gzigs nas/ sems can rnams la sngon gyi rgyu las byung ba'i chos kyi gtam brjod par mdzad do//
216a3 klu'i bdag po khyod kyis de bzhin gshegs pa mang po las mi zad pa'i za ma tog gi gzungs 'di thos so// khyod kyis sangs rgyas 'bum phrag mang po las gzungs 'di'i don yang dang yang du thos
216a4 te/ des na da ltar khyod 'di ltar dran pa dang ldan pa dang / 'di ltar blo gros dang ldan pa dang / 'di ltar rtogs pa dang ldan pa dang / 'di ltar spobs pa phun sum tshogs pa dang / 'di ltar
216a5 shes rab dang ye shes dang ldan pa yin no/ / klu'i bdag po gang dag mi zad pa'i za ma tog gi gzungs 'di'i ming tsam 'am/ bstan pa'i phyogs tsam thos pa de dag thams cad kyang spobs pa mi
216a6 zad par nges par 'byung bar 'gyur ro/ / de ci'i phyir zhe na/ gzungs 'di'i rgyu dang 'thun pa ni de yin pa'i phyir ro// klu'i bdag po gzungs kyi nges par 'byung ba'i bsrung ba
216a7 'di phyi ma'i dus phyi ma'i tshe/ spyod par 'gyur ba gang yin pa de dag thams cad kyang / de bzhin gshegs pa'i byin gyis brlabs kho na las gyur par blta bar bya'o// klu'i bdag po de la
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo