rKTs

e-texts navigator

Volume

Page

213b₁ dge ba gang yin pa tshol zhing / nga rgyal med par 'phags pa dag gi thad du 'gro ba dang / chos don du gnyer te/ chos 'dod cing chos kyi kun dga' la dga' bas dga' ste/ rtag tu don gyi/
213b₂ rjes su blta ba dang / mi rtag pa'i chos nyid la so sor rtog pa dang / 'dus byas kyi nyes pa rtogs pa dang / yongs su 'dzin pa thams cad la rnam par 'gyur ba'i chos can yin no snyam du dran
213b₃ pas nye bar gnas par byed pa dang / bag yod par byed de/ 'dod pa'i yon tan thams cad la lhag par zhen pa med cing / dge ba'i rtsa ba thams cad kyang zad par mi byed la/ gong du yang
213b₄ rnam par 'phel bar byed pa dang / byang chub kyi sems kyi bsam pa yang rnam par mi spong ba ste/ rgyal po chen po chos bzhi po de dag dang ldan na/ rgyal rigs spyi bo nas dbang bskur pa'i rgyal
213b₅ bos/ chos kyi dbang phyug thob par 'gyur la/ dge ba'i chos rnams kyis kyang khyad par du 'gro bar 'gyur ro// de skad ces bka' stsal pa dang / de bzhin gshegs pa tshangs pa'i dpal
213b₆ lha'i rgyal po la rgyal po bsod nams mi zad pas 'di skad ces gsol to/ / bcom ldan 'das chos gang dag dang ldan na/ byang chub sems dpas chos la dbang phyug thob par 'gyur lags
213b₇ bcom ldan 'das des bka' stsal pa/ rgyal po chen po chos brgyad dang ldan na/ byang chub sems dpas chos la dbang phyug thob par 'gyur te/ brgyad gang zhe na/ rnam par rtse zhing

_{iiif viewer powered by OpenSeadragon}

213a - 214a

Texts on this page