rKTs

e-texts navigator

Volume

Page

190a₁ rang bzhin gyis snyoms par 'jug pa thams cad kyang zil gyis gnon la/ phyi rol gyi drang srong mngon par shes pa lnga dang ldan pa rnams dang / nyan thos dang / rang sangs
190a₂ rgyas thams cad dang / bsam gtan dang / bsam gtan la snyoms par 'jug pa thams cad kyang zil gyis gnon to// de'i dge ba'i rtsa ba rnams dang / bsam gtan de dag kyang shes
190a₃ rab kyi shas che ba dang / lta ba'i nyon mongs pa dang bral ba yin la/ byang chub tu yongs su bsngos pa gang yang yin pa dang / sems can yongs su smin par byed pa yang sgrub pa yin te/ de lta
190a₄ bas na de bzhin gshegs pa ni/ snyoms par 'jug pa gcig gis yongs su mya ngan las 'da' ba'i mtha'i bar du thug par mdzad de/ 'di ni byang chub sems dpa' shes rab kyi gnas la gnas
190a₅ pa'i bsam gtan no/ / de la byang chub sems dpa' shes rab kyi gnas la gnas pa'i chos lhag par mthong ba gang zhe na/ des chos gang lhag par mthong ba de dag shes rab kyi mig kho nas
190a₆ lhag par mthong gi/ sha'i mig dang / lha'i mig gis chos de dag lhag par mthong ba ma yin no// de dag zhi ba kho nar lhag par mthong gi/ ma zhi bar lhag par mthong ba ma yin no// de bzhi
190a₇ du chos rnams rgyu ba med pa dang / gnas pa med pa dang / dben pa dang / yongs su grub pa med par lhag par mthong ngo // de ltar mthong ba gang yin pa de ni chos thams cad lhag par

_{iiif viewer powered by OpenSeadragon}

189b - 190b

Texts on this page