rKTs

e-texts navigator

Volume

Page

189b₁ pa 'di ni/ byang chub sems dpa' shes rab kyi gnas la gnas pa'i brtson 'grus shes bya'o// de la byang chub sems dpa' shes rab kyi gnas la gnas pa'i bsam gtan gang zhen
189b₂ bsam gtan rnams la yang snyoms par 'jug la/ mnyam pa nyid las kyang nyams par mi 'gyur/ phun sum tshogs par yang mi 'gyur ba gang yin pa dang / de bsam gtan rnams
189b₃ kyang bsam gtan du byed la/ chos gang yang skyed par yang mi byed/ 'bri bar yang mi byed pa dang / yul thams cad la yang mi rten par bsam gtan byed la/ chos thams cad dang
189b₄ 'thun pa dang / mi mthun pa med par yang bsam gtan byed pa dang lus dang sems kyis kyang bsam gtan gyi yan lag dang / bsam gtan gyi bsam pa dang / bsam gtan gyi sbyor
189b₅ ba de dag mngon par sgrub par mi byed pa dang / de snyoms par 'jug pa na/ ci nas de bzhin nyid dang yang dag pa'i mtha' dang / chos kyi dbyings kyis snyoms par 'jug pa de lta bus
189b₆ snyoms par 'jug pa dang / de sems can thams cad mnyam pa nyid dang / chos thams cad la sgro mi 'dogs pas snyoms par 'jug pa ste/ de de ltar ting nge 'dzin bsgom pa'i sbyor ba la
189b₇ brtson pa na/ nang dang phyi rol gyi lus dang / sems la yang mi gnas la/ phyi rol gyi yul la yang sems mi gnas pa de ni/ mi gnas pa'i rnam par shes pa ste/ dmigs pa can gyi

_{iiif viewer powered by OpenSeadragon}

189a - 190a

Texts on this page