| e-texts navigator |
| བོད་ཡིག |
187b1 klu'i bdag po 'di la sbyin pa mnyam pa nyid kyis bdag mnyam pa nyid do/ / bdag mnyam pa nyid kyi sems can mnyam pa nyid do// sems can mnyam pa nyid kyis chos mnyam pa nyid do// /
187b2 chos mnyam pa nyid kyis byang chub mnyam pa nyid de/ mnyam pa nyid 'di dag kyang mi spongs la/ sbyin pa yang sbyin par byed de/ sbyin pa de yang nyon mongs pa'i dbang gis sbyin par mi byed
187b3 do/ / des de ji lta ji ltar yongs su 'jal ba de kho na bzhin du nyon mongs pa thams cad yongs su gtong bar byed de/ nyon mongs pa thams cad yongs su gtong ba dang / lta ba'i rnam pa
187b4 thams cad nye bar zhi ba dang / rtsod pa thams cad 'dor ba gang yin pa de ni gtong ba'i mchog yin te/ klu'i bdag po ni byang chub sems dpa' shes rab kyi gnas la gnas pa'i sbyin pa
187b5 yongs su gtong ba'o/ / de la byang chub sems dpa' shes rab kyi gnas la gnas pa'i tshul khrims gang zhe na/ lus dang / ngag dang / sems dben par mthong ba gang yin pa
187b6 de ni/ tshul khrims yongs su srung ba ste/ lus dang / ngag dang / sems la yang mi rten/ 'jig rten 'di la yang mi rten/ 'jig rten pha rol la yang mi rten/ nang na yang
187b7 mi rten/ phyi rol la yang mi rten/ phung po la yang mi rten/ khams la yang mi rten/ skye mched la yang mi rten/ byang chub la yang mi rten/ mya ngan las 'das pa la yang mi rten
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo