rKTs

e-texts navigator

Volume

Page

187a₁ mongs pa thams cad kyis gnod par ma gyur cig/ de bzhin gshegs pa'i smin mtshams kyi mdzod spu ci 'dra ba de lta bu yang bdag gis thob par gyur cig/
187a₂ byang chub kyi lam shes pa sgrib pa ma mchis pa yang thob par gyur cig/ lam shes pa des kyang sems can lam log pa la zhugs pa rnams yang dag pa'i lam la 'god par gyur cig/
187a₃ bcom ldan 'das gzhan yang ji ltar na/ byang chub sems dpa' mun pa mun nag dang bral te/ lam gyis ye shes thob par 'gyur lags/ de skad ces gsol pa dang / bcom
187a₄ ldan 'das kyis klu'i rgyal po rgya mtsho la 'di skad ces bka' stsal to/ / klu'i bdag po 'di la byang chub sems dpa' shes rab kyi dbang gis byung ba/ shes rab kyi sgron ma lag na
187a₅ thogs pa/ shes rab kyi shes pa can/ shes rab sngon du 'gro ba/ shes rab kyi mtshon cha can/ shes rab kyis bya ba byed pa de ni shes rab kyi gnas la gnas nas/ sbyin pa sbyin
187a₆ par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la snyoms par 'jug par byed/ chos rnams lhag par mthong
187a₇ bar byed/ sems can rnams yongs su smin par byed do// klu'i bdag po de la ji ltar na byang chub sems dpa' shes rab kyi gnas la gnas nas/ sbyin pa sbyin par byed ce na

_{iiif viewer powered by OpenSeadragon}

186b - 187b

Texts on this page