rKTs

e-texts navigator

Volume

Page

182a₁ cad mkhyen pa'i ye shes kyis yongs su bsgos pa'i mngon par shes pa lnga dang / byams pa chen po dang / snying rje chen pos yongs su bsgos pa'i so so
182a₂ yang dag par rig pa bzhi dang / thabs dang / shes rab kyis yongs su bsgos pa'i gzugs med pa'i snyoms par 'jug pa bzhi dang / stong pa nyid dang / mtshan ma med pa
182a₃ dang smon pa med pas yongs su bsgos pa'i byang chub kyi phyogs kyi chos sum cu rtsa bdun te/ klu'i bdag po chos bzhi po de dag dang ldan na/ byang chub sems dpa' sgrib pa
182a₄ med pa'i ye shes mthong ba la 'jug pa yin no/ / klu'i bdag po de la sgrib pa med pa'i ye shes mthong ba gang zhe na/ nyon mongs pa thams cad kyang ma mthong la/ bag chags kyi
182a₅ mtshams sbyor ba'i rnam pa'i nyon mongs pa thams cad kyang yang dag par bcom pa gang yin pa dang / 'khor ba yang ma mthong la/ mya ngan las 'das pa la yang dag par gzhol ba
182a₆ dang nyan thos dang / rang sangs rgyas kyi sa yang ma mthong la/ byang chub kyi snying po la yang dag par gzhol ba dang / sems can gyi spyod pa'i rjes su yang 'jug la/ sems
182a₇ can gyi spyod pa dben par yang shes pa ste/ 'di ni sgrib pa med pa'i ye shes mthong ba zhes bya'o// gzhan yang sgrib pa med pa'i ye shes mthong ba ni/ 'dus byas kyi bya ba thams cad

_{iiif viewer powered by OpenSeadragon}

181b - 182b

Texts on this page