| e-texts navigator |
| བོད་ཡིག |
381b1 gcig las kyang pad+mo khri phrag brgyad khri bzhi stong snyed du sprul to/ / pad+mo da re re la yang pad+mo'i khang pa brtsegs pa re rer gyur to// pad+mo'i kheng pa dang 'dab ma de dag re res kyang phyogs bcu'i
381b2 'jig rten gyi khams tshad med pa steng khebs par gyur to/ / pad+mo de gcig cing yang 'dab ma brgyad khri bzhi stong snyed dang ldan no// bcom ldan 'das shAkya thub pa nam mkha' la gem
381b3 pa 'dor ba de'i tshe na/ rin po che'i me tog char bzhin du bab ste/ pad+mo de dag las kyang rdul phra rab snyed kyi sangs rgyas tshad med pa yang nam mkha' la gom pa 'dor zhing gshegs
381b4 so/ / rgyal po yab kyis de lta bu dag mthong nas kyang rab tu dga' ba'i sems lhag par skyes te/ phyir mi ldog pa'i 'bras bu thob par gyur nas yan lag lnga sa la gtugs te/
381b5 sangs rgyas la phyag 'tshal lo// de nas 'khor mang po'i rnams kyis de lta bu'i dngos po dag mthong nas/ bcom ldan 'das la 'di skad ces gsol to// bcom ldan 'das
381b6 phyogs bcu'i 'jig rten gyi khams na sprul pa'i sangs rgyas grangs ma mchis par gyur pa de rnams las sangs rgyas yang dag pa ni gang lags/ sprul pa'i sangs rgyas ni gang lags zhes
381b7 gsol pa dang / bcom ldan 'das kyis 'khor mang po'i rnams la bka' stsal pa/ sangs rgyas bcom ldan 'das ni stong pa nyid kyis zhi ba'i gnas rnam par thoba'i ting nge 'dzin la
iiif viewer powered by OpenSeadragon
Texts on this page
S130 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo