| e-texts navigator |
| བོད་ཡིག |
351a1 mche ba de'i thog ma la me rab tu 'brar zhing / lcags kyi shing rta yang 'bar bar byed do// lcags kyi shing rta de'i 'khor ze re la yang de ltar 'bar ba'i mtshon gyi 'khor lo dang /
351a2 ral gri'i 'khor lo rab tu rno ba dag 'byung ngo // me de snyed kyis mnar med pa'i sems can dmyal ba bsregs to// mnar med pa'i sems can dmyal ba yongs su gdungs so// dmyal ba'i srungs
351a3 ma'i mgo la glang gi mgo brgyad yod de/ glang gi mgo gcig la yang rA bco brgyad yod do// rwa'i rtse mo de re re la yang me'i phung po re re byung ngo // me'i phung po de re re la yang me'i dra ba bar
351a4 chad bco brgyad du gyur nas/ shing rta'i 'khor lo tsam gyi me'i ral gri'i 'khor lor gyur to// 'khor lo de 'dab chags su me 'bar ba'i nang nas dkrigs te/ mnar med pa'i sems can
351a5 dmyal ba gshegs cing sreg go/ / lcags kyi khyi rnams kha gdangs shing lce lcags kyi gze ma dang 'dra ba phyung nas sa la phab pa'i tshe/ gdug pa'i lce me 'bar ba grangs med par gyur nas/
351a6 mnar med pa'i sems can dmyal ba la yongs su gang ngo // lcags kyi mkhar rim pa bdun gyi bar na lcags kyi rgyal mtshan 'bar ba grangs med pa yod do// rgyal mtshan gyi rtse mo nas
351a7 lcags tshan gyi khu ba lud cing / chu mig drag po ltar 'bab ste/ mnar med pa'i sems can dmyal ba la yongs su gang ngo // mnar med pa'i sems can dmyal ba la sgo bzhi yod/
iiif viewer powered by OpenSeadragon
Texts on this page
S130 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo