| e-texts navigator |
| བོད་ཡིག |
345a1 'dus pa las rin po che'i khang pa brtsegs pa dpag tu med par gyur to/ / khang pa brtsegs pa de'i grwa bzhin yang rin po che'i ri rab gling bzhi pa la nyi zla gza' sbyar
345a2 dang bcas pa gling phran bcu gnyis kyis bskor ba 'od gzer mang po dang bcas pa re re yod do/ / ri rab lhun po de re re la yang rin po che'i brag phug 'od 'bar ba grangs med pa snyed do//
345a3 brag phug de re re'i nang na yang sprul pa'i sangs rgyas tshad med grangs med pa snyed bzhugs so// sprul pa'i sangs rgyas de re re la yang 'khor byang chub sems dpa' tshad med pa
345a4 zangs med pa snyed do/ / sprul pa'i sangs rgyas dang / byang chub sems dpa' de dag kun kyang dge ba bcu'i chos ston cing bsngags so// de la de ltar blta bar bya'o// gang gis/
345a5 de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o// bcom ldan 'das kyis dga' bo la bka' stsal pa/
345a6 sangs rgyas yongs su mya ngan las 'das nas/ sangs rgyas kyi nye gnas su gyur pa dag/ 'di ltar sems shing 'du shes pa dang / yid la byed pa 'am/ chos 'di
345a7 rjes su dran par byas na/ bskal pa khri phrag bcu gnyis snyed kyi 'khor ba'i nyes pa yongs su spong bar 'gyur zhing yongs su dag pa'i 'jig rten du yid la bsam pa bzhin du skye
iiif viewer powered by OpenSeadragon
Texts on this page
S130 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo