| e-texts navigator |
| བོད་ཡིག |
325b1 legs so/ / spyod yul 'di yang khyod kyi sems kyi rnam par rtog pa las shes so zhes de skad gsungs nas mi snang bar gyur to// zhal dpral ba'i 'od rnams ni phyir ning lhag par
325b2 gsal te/ gzhan yang 'od zer brgya stong du ma dag 'byung ngo // 'od zer de dag gis rin po che'i khri la 'dug pa'i byang chub sems dpa'i rnams kyi gdong snang bar byas so//
325b3 byang chub sems dpa' de dag gis gdong las kyang 'od zer bkye nas/ bcom ldan 'das shAkya thub pa snang bar byas so// mtshan 'di bstan pa'i tshe na/ rnal 'byor can gyis
325b4 the tsom med par sangs rgyas kyi zhal mngon sum du yang dag par rtogs so/ / bcom ldan 'das kyis dga' bo la bka' stsal pa/ sangs rgyas yongs su mya ngan las 'das
325b5 nas/ sangs rgyas kyi nye gnas su gyur pa dag/ gang gis de ltar rtogs na sangs rgyas kyi zhal yang dag par mthong ba ste/ nga 'jig rten na bzhugs pa dang mi 'dra ba med do// /
325b6 gang gis de ltar rjes su dran par byas na/ bskal pa khri phrag brgya'i 'khor ba'i nyes pa yongs su spong bar 'gyur zhing / skye ba'i gnas phyi mar sangs rgyas rnams mthong ba dang
325b7 sangs rgyas kyi rigs su skye ba dang / sangs rgyas dang byang chub sems dpa'i 'khor du skye bar 'gyur ro// de la de ltar blta bar bya'o// gang gis de lta bur mthong ba de ni yang dag par
iiif viewer powered by OpenSeadragon
Texts on this page
S130 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo