| e-texts navigator |
| བོད་ཡིག |
324a1 cad mngon par snang ste/ sangs rgyas de dag kun gyi sku'i tshad kyang ri rab dang mnyam par snang ngo // sprul pa'i sangs rgyas de dag gi smin mtshams nas kyang / 'od zer
324a2 bkye nas sprul pa'i sangs rgyas rnams la lan bdun tshang bar bskor te/ bcom ldan 'das shAkya thub pa'i smin mtshams su nub bo// 'od de smin mtshams su nub pa na/ sangs rgyas kyi sku'i
324a3 ba spu'i bu ga kun nas sprul pa'i gzugs brnyan re re yod par gyur to/ / sprul pa'i gzugs brnyan de'i ba spu'i bu ga nas kyang sprul pa'i gzugs dam pa brgya khri bzhi stong snyed yod par gyur te
324a4 de dag thams cad kyang stong gsum gyi stong chen po'i 'jig rten gyi khams na/ sems can thams cad kyi ngo mtshar rmad du bya ba thams cad du snang ngo // de ni de bzhin gshegs pa'i dpe
324a5 byad bzang po brgyad cu'i nang na/ dpe byad bzang po gcig gi 'od zer yin te/ dpe byad bzang po brgyad cu'i 'od zer ni rgyas par bshad du bde bar mi nus so// de bzhin gshegs pas
324a6 mdzod spu dkar po'i 'od zer gyi phyogs tsam zhig bstan pa na/ rgyal po yab dang 'khor brgya stong snyed dri ma dang bral te/ chos la chos kyi mig rnam par dag par gyur to// bcom ldan 'das
324a7 kyis dga' bo la bka' stsal pa/ de bzhin gshegs pa'i smin mtshams kyi mdzod spu dkar po'i mtshan ni mdo sde gzhan las kyang bcom ldan 'das kyis rgyas par bshad de/ mtshan bzang
iiif viewer powered by OpenSeadragon
Texts on this page
S130 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo