| e-texts navigator |
| བོད་ཡིག |
268b1 sprul pa'i byang chub sems dpa' dka' ba spyod pa grangs med pa bzhugs pa 'di dang tha mi dad pa mthong yang / byang chub sems dpa' chung ngur ma gyur la/ mdzod spu dkar po yang chen por ma gyur par
268b2 mthong ste/ lha'i bu de dag gis de lta bu dag mthong nas/ ngo mtshar rmad do zhes bstod do// mdzod spu dkar po yang btang ma thag tu phyir yang g.yas su 'khyil nas 'od zer dang bcas te mi snang
268b3 bar gyur te/ de'i tshe lha rnams kyis mdzod spu dkar po la mig mi 'dzum pa brtags na/ mdzod spu dkar po las sbubs lnga zhal gyi sgor zhugs te/ de'i nang nas zil dngar rgyun mi 'chad par
268b4 zhal gyi nang du 'bab cing 'bo ste/ sku kun tu rgyu ba ni/ bai DUR+Ya'i ri bo ltar phyi nang gsal bar mthong ngo // byang chub sems dpa' khri phrag brgya stong skad kyang / sku'i nang nas mngon par snang ngo //
268b5 lha rnams kyis de lta bu dag mthong nas/ rab tu dga' ba skyes te thal mo sbyar nas bdag cag sngar ni gti mug gis mdongs pas/ skyes bu 'di'i tshe ring po mi thogs so zhes smras pa las
268b6 mtshan bzang po 'di las bltas na gdon mi za bar mngon par rdzogs par 'tshang rgya ste/ the tsom ma mchis so// bla na med pa'i shes rab kyi nyi ma ring po mi thogs par 'jig rten du shar bar
268b7 'gyur ro zhes smras nas/ lan brgya stong du bskor ba byas te/ so so'i gnas gnas su phyir song ngo // de skad ces smras pa'i sgra dbyangs kyis 'dod pa'i khams su grags par gyur to// rgyal
iiif viewer powered by OpenSeadragon
Texts on this page
S130 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo