| e-texts navigator |
| བོད་ཡིག |
261a1 bcom ldan 'das kyis rgyal po yab la bka' stsal pa de la ji ltar na de bzhin gshegs pa'i gtsug tor rjes su dran pa zhe na de bzhin gshegs pa'i gtsug tor rus pa zlum zhing
261a2 gdugs kha sbub pa ltar 'dug la shin tu dkar ba'o/ / dbu'i pags pa srab mo ni/ le brgan du snang la/ dbu'i pags pa stug po ni kha dog rdo rje lta bur snang ngo // dbu'i 'dab ni kha dog gser btsa
261a3 ma lta bur snang / dbu'i klad pa ni shel gyi kha dog tu snang ngo // de la rtsa bcu bzhi ri mor bris pa bzhin du 'dug la 'od rnam pa bcu bzhi dang ldan no// 'od de yang rtsa ltar mngon par snang zhing /
261a4 klad pa dang / rtsa kun nas 'od 'khyil ba dag 'byung ste/ spyi gtsug gi rus pa la reg go/ spyi gtsug gi rus pa las kyang thal nas dbu'i rtse mor 'khyil cing thug go/ 'od kha dog rnam pa
261a5 bcu bzhi dang ldan pas dbu 'khor bar bskor to/ / dbu 'dab kyi mtshan gser gyi mdog lta bu las kyang 'od byung nas/ 'od kyi kha dog rnam pa bcu bzhi'i nang du 'jug go/ 'di dag ni
261a6 de bzhin gshegs pa'i rgyal po'i pho brang du bltams pa'i gtsug tor dang / sha'i do ker zhes bya'o// spyi bo'i gtsug na tshangs pa chen po'i mtshan lnga po dag ni/ bltam pa'i tshe na yang
261a7 yum sgyu ma dang / go'u ta mi dag gis kyang bltar mi mthong ngo // tshangs pa'i mtshan lnga po las 'od byung pos tshangs pa'i 'jig rten la thug nas/ de las kyang 'das te/ bla ma'i phyogs kyi
iiif viewer powered by OpenSeadragon
Texts on this page
S130 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo