rKTs

e-texts navigator

Volume

Page

143a₁ yid 'ong / / dper na lha yis rin chen byu ru 'dra// sgra skad yan lag bye ba dpag med 'byin// bcom ldan mchod rten rol mo'i sgra byas na// nams kyang sbrul du mi 'gyur
143a₂ lce med min/ / gzhar ba sgur po ya yo can mi 'gyur// lus ni khyad par 'phags shing shin tu mdzes// bcom ldan mchod rten rol mo'i sgra byas na// lha 'am klu 'am mi 'am lto 'phye che//
143a₃ su yang de la ma dang skye mi 'gyur// dbugs phyin thob nas 'jig rten kun du rgyu// bcom ldan mchod rten rol mo'i sgra byas na// de ni ma ning za mar gzhar mi 'gyur// nams kyang mdze dang
143a₄ sha bkra mi 'byung zhing / / bsngags par 'os pa'i lus ni thob par 'gyur// bcom ldan mchod rten rol mo'i sgra byas na// lce ring 'gyur zhing lus kyang che bar 'gyur// gser gyi gzugs
143a₅ ltar kha dog 'bar bar 'ong / / ting 'dzin brtan zhing shin tu rtogs par 'gyur// bcom ldan mchod rten rol mo'i sgra byas na// lha nang bdag por 'gyur zhing dbang phyug 'gyur// mi yi 'jig
143a₆ rten skyes na dga' bar 'ong / / brtson 'grus ldan zhing bag yod 'bar bar 'gyur// bcom ldan mchod rten rol mo'i sgra byas na// de la su yang yid mi bde mi skyed// de la su yang tshig rngub smrab
143a₇ med/ phra ma thams cad spangs shing yang dag smra// bsod nams 'dod pa su zhig phyags thogs te// bcom ldan mchod rten gus par 'phyag byed pa// de ni spang cing mi gtsang lus mi 'gyur/

_{iiif viewer powered by OpenSeadragon}

142b - 143b

Texts on this page