rKTs

e-texts navigator

Volume

Page

136b₁ 'gro/ / byang chub sems dpa' rnams la ni// ma bsdams gang zhig gnod byed pa// bskal pa bye ba stong dag tu// nams kyang sangs rgyas mthong mi 'gyur// rdzogs sangs rgyas kyi sras rnams la//
136b₂ gang zhig chos bzhin bsrung byed pa// des ni ngan 'gro kun spangs te// myur du bzang 'gror 'gro bar 'gyur// phyug cing nor chen ldan pa dang // stobs dang ldan zhing 'jigs pa med// dran dang ldan
136b₃ zhing shes rab ldan/ / bde zhing ngo tsha khrel ltas ldan// gang du 'jigs rten rnams kyi sgron// yongs su mya ngan 'das gyur pa// sangs rgyas mchod rten mthong nas ni// yang dang yang du bsti stang byed//
136b₄ rdzogs sangs rgyas kyis gsungs pa yi// 'di 'dra'i chos 'di thos gyur nas// sangs rgyas sras po rnams la ni// su zhig phyi phyir dad mi byed// gang gis sangs rgyas stong rnams dang // brgya dang bye/
136b₅ ba bgrangs dag la// bskal pa gang+gA'i bye ma snyed// de snyed bskal par bkur ba bas// 'jig rten mgon gyis gsungs pa yi// dam chos 'jig tshe gang zhig gis// nyin dang mtshan du 'dzin byed pa//
136b₆ de ni bsod nams khyad par 'phags// chos 'jig dus na chos 'dzin pa// sngon gyi sangs rgyas thams cad dang // sangs rgyas ye shes rab gnas pa// nga la des ni mchod pa byas// dam pa'i chos ni 'jig
136b₇ pa'i tshe/ / ston pa'i bstan pa bsrung byed pa// bskal pa bye ba stong rnams su// de ni nams kyang chud mi 'gyur// lus kyis bde ba myong 'gyur zhing // de ni nad kyis btab mi 'gyur// de ni yid du mi 'ong

_{iiif viewer powered by OpenSeadragon}

136a - 137a

Texts on this page