| e-texts navigator |
| བོད་ཡིག |
403a1 mtha' yas pa yongs su sgrub pa'i phyir ro// de la mgon po rnams kyis thabs mkhas pa gang zhe na/ 'di lta ste/ thams cad bde ba dang legs par 'gro ba'i phyir ro// de
403a2 la phra mo gang zhe na/ 'di lta ste/ mya ngan las 'das pa la dmigs pa rnam par zhi ba'i phyir ro// de la shes par dka' ba gang zhe na/ 'di lta ste/ so sor rig par dka' ba'i phyir ro// de la
403a3 mi brtson pa rnams kyis rig par dka' ba gang zhe na/ 'di lta ste/ sngon ma thob pa'i phyir ro// de la yi ge rnams ldog pa gang zhe na/ 'di lta ste/ tshig gi lam thams cad mi dmigs pa'i phyir ro// de
403a4 la sgra shes par dka' ba gang zhe na/ 'di lta ste/ chos thams cad bsam gyis mi khyab pa'i phyir ro// de la mkhas pa dag gi yongs su shes pa gang zhe na/ 'di lta ste/ rin po che don che ba'i phyir ro// de
403a5 la nges pa dag gis shes pa gang zhe na/ 'di lta ste/ bkur sti kun shes pa'i phyir ro// de la 'dod pa nyung bas rtogs pa gang zhe na/ 'di lta ste/ bkur stis mi skyed pa'i phyir ro// de la brtson 'grus
403a6 brtsams pa rnams kyis gzung ba gang zhe na/ 'di lta ste/ brtson pa mi 'dor ba'i phyir ro// de la dran pa can gyis bcangs pa gang zhe na/ 'di lta ste/ byas pa chud mi za ba'i phyir ro// de la bsdug bsngal
403a7 zad pa gang zhe na/ 'di lta ste/ 'dod chags dang zhe sdang dang gti mug spong bar 'gyur ba'i phyir ro// de la chos mi skye ba gang zhe na/ 'di lta ste/ rnam par shes pa thams cad 'gogs par 'gyur ba'i phyir ro// /
iiif viewer powered by OpenSeadragon
Texts on this page
S69 - 'phags pa chos thams cad kyi rang bzhin mnyam pa nyid rnam par spros pa ting nge 'dzin gyi rgyal po zhes bya ba theg pa chen po'i mdo