| e-texts navigator |
| བོད་ཡིག |
323b1 yid bde ba skyes nas/ lha'i mchod pa sna tshogs byed par gyur to// lha'i bu mo rnams kyang lha'i rol mo dag kyang byed do// rgyal po dpal dbyangs khang pa'i sdeng na 'dug pa/ bdag gi mi
323b2 mang pos bskor cing mdun du bdar te/ btsun mo'i 'khor gyi nang na 'dug pa/ gso sbyong yan lag brgyad dang / ldan pa yang dag par bzung bas/ byang chub sems dpa' sems dpa' chen
323b3 po bde bas byin gyi lag pa 'bar bar byas te/ 'od de dag thams cad zil gyis mnan cing lha'i 'od mi'i las 'das pas snang bar byas pa mthong nas/ de 'di snyam du sems so// 'di ni byang
323b4 chub sems dpa' sems dpa' chen po mngon par shes pa chen po thob pa yin no zhes byang chub sems dpa' sems chen po bde bas byin la shin tu dga' ba dang / dad pa dang / gus pa'i
323b5 bar bzhag ste/ ri mor bcas shing dge ba'i rtsa ba dang / bsod nams kyi phung po chen pos brtan pas/ btsun mo'i 'khor brgyad cu dang lhan cig khang pa'i steng de nas bdag nyid mchongs
323b6 te/ byang chub sems dpa' sems dpa' chen po bde bas byin blta ba dang / rab tu dga' bar bya ba'i phyir mchongs te dong ngo // de gus pa las byung ba'i dge ba'i rtsa bas tshe de nyid la 'khor
323b7 dang bcas pa'i lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyis yongs su bzung ba thob bo// de lha dang / klu dang
iiif viewer powered by OpenSeadragon
Texts on this page
S69 - 'phags pa chos thams cad kyi rang bzhin mnyam pa nyid rnam par spros pa ting nge 'dzin gyi rgyal po zhes bya ba theg pa chen po'i mdo