| e-texts navigator |
| བོད་ཡིག |
302b1 spyan sngar gnas/ / ye shes can de 'phrul pa mang po sprul byas nas// zhing rnams bye ba mang por 'dul ba'i don phyir gtong // sangs rgyas sprul pa mang po gang gis mthong 'gyur ba// de yis sems
302b2 can mang po byang chub mchog tu btsud/ / gang dag mdo sde 'di thos zad pa'i dus la 'dzin// de ni dran ldan blo gros ldan zhing shes rab can// de ni rtag tu mthu dang brtson 'grus stobs kyis brtan// gzi
302b3 brjid chen po chos kyi pha rol phyin par 'gyur/ / zad pa'i dus la ting 'dzin zhi ba 'dzin pa ni// dpa' bo de ni tshangs pa'i gnas la shin tu gnas// des ni myur dus yang brgyad dang gnyis dag thob// de ni
302b4 myur zhing mgyogs par bdud rnams shin tu 'dul/ / gang gis mdo sde zhi ba 'di ni rtag bsgoms pa// dbang dang ldan zhing mngon par 'phags pa stobs dang ldan// de ni sems can dam pa sems
302b5 can don phyir brtson/ / de ni byang chub shing drung byang chub mchog rtogs 'gyur// gang gis chos 'di rnams ni stong par goms byas pa// de dag 'od zer bye ba stong rnams rtag tu 'gyed// nyi ma'i dkyil
302b6 'khor dag kyang thams cad gzi med byas/ / dpa' bo de dag mi ring 'jig rten 'dren par 'gyur// ngas sngon spyod yul zhi ba 'di ni rab tu bsgoms// bskal pa mang po bye ba khrag khrig stong du yang //
302b7 lam 'dir ngas ni nam yang brtson 'grus rgyun ma bcad// de tshe mar me mdzad kyis rgyal bar lung yang bstan// mdo sde 'di la khyed kyang nga yi rjes su slobs// tshul 'di zab cing dam pa'i don rnams
iiif viewer powered by OpenSeadragon
Texts on this page
S69 - 'phags pa chos thams cad kyi rang bzhin mnyam pa nyid rnam par spros pa ting nge 'dzin gyi rgyal po zhes bya ba theg pa chen po'i mdo