| e-texts navigator |
| བོད་ཡིག |
297b1 mi gang ting 'dzin mchog 'di 'dzin pa ni// 'khrig pa dag la yid kyang dga' mi byed// zhi gnas dga' zhing bsam gtan bde ba reg/ rab tu zhi ba'i dbyangs su zhi bar smra// mi gang ting 'dzin/
297b2 mchog 'di 'dzin pa ni// de yid mtshan ma dag la mi dga' ste// mtshan ma mang po thams cad rnam par bshig/ mkhas pa rtag tu mnyam par bzhag cing spyod// mi gang ting 'dzin mchog 'di
297b3 'dzin pa 'di/ / de'i mig kyang tha mal ma yin 'thob// des ni rgyal ba mtha' yas mthong bar 'gyur// mtha' yas mig ldan de ni khyu mchog 'gyur// mi gang ting 'dzin mchog 'di 'dzin pa ni//
297b4 khrung khrung sgra dbyangs 'jam zhing mnyen dang ldan// ka la bing+ga rnga yi dbyangs su 'gyur// glu dbyangs ldan zhing sgra skad 'jam par 'gyur// mi gang ting 'dzin mchog 'di 'dzin pa ni// sprin gyi 'brug
297b5 sgrags pa yi skad rnams dang / / ngang ba'i sgra dbyangs bzhin du 'jam par sgrog/ dbyangs kyi yan lag lnga brgyar ldan pa'i sgra// mi gang ting 'dzin mchog 'di 'dzin pa ni// bskal pa bye ba mang po
297b6 khrag khrig tu/ / dbyangs kyi yan lag sna tshogs ldan pa yi// sgra dbyangs snyan pa bsam gyis mi khyab 'byung // mi gang ting 'dzin mchog 'di 'dzin pa ni// zas la yid kyang chags par mi 'gyur te//
297b7 lhung bzed chos gos dag la dga' ma yin// 'dod pa nyung zhing chog shes yo byad bsnyungs// mi gang ting 'dzin mchog 'di 'dzin pa ni// bdag nyid la yang stong par mi 'gyur zhing // gar yang
iiif viewer powered by OpenSeadragon
Texts on this page
S69 - 'phags pa chos thams cad kyi rang bzhin mnyam pa nyid rnam par spros pa ting nge 'dzin gyi rgyal po zhes bya ba theg pa chen po'i mdo