| e-texts navigator |
| བོད་ཡིག |
295b1 yongs su gtsang ba ka shig du gul mchog/ gser gyis spras pa mang po yongs su btang // ting 'dzin zhi ba mchog 'di tshol ba'i phyir// rta dang ba lang shing rta sna tshogs dang // bu dang chung ma rab sdug
295b2 ngas btang ste/ / yid mi bde ba nam yang ma byung ngo // ting 'dzin zhi ba mchog 'di tshol ba'i phyir// tshol bas sdug bsngal nyon mongs gyur pa yi// shin tu dbul ba'i mi dag ngas mthong nas//
295b3 de dag ngas ni dbul ba med par byas// ting 'dzin zhi ba mchog 'di tshol ba'i phyir// rta dang ba lang shing rta khrag khrig dag/ nor bu rin chen brgyan pa'i dra bas g.yogs// ngas sngon slong ba dag la sbyin
295b4 par bya/ / ting 'dzin zhi ba mchog 'di tshol ba'i phyir// ngas sngon bskyed mo'i tshal ni mang po dag/ bye ba khrag khrig legs par brgyan byas te// yid kyang dga' zhing snying rje bskyed nas byin//
295b5 ting 'dzin zhi ba mchog 'di tshol ba'i phyir// grong dang grong khyer yul 'khor grong 'dab kyang // ngas sngon legs par brgyan nas yongs su btang // byin nas rtag tu dga' ba myong bar byas//
295b6 ting 'dzin zhi ba mchog 'di tshol ba'i phyir// rin chen phung po ri rab mnyam pa dang // de bzhin gos dang rgyan rnams mang po yang // ngas sngon slong ba dag la sbyin pa byas// ting 'dzin zhi ba mchog
295b7 'di tshol ba'i phyir/ / shin tu dbul ba ngas ni phyug por byas// rab tu nyon mongs gyur pa ngas bskyabs te// sdug bsngal gtses pa mang po bde bar byas// ngas ni sa steng dbang phyug
iiif viewer powered by OpenSeadragon
Texts on this page
S69 - 'phags pa chos thams cad kyi rang bzhin mnyam pa nyid rnam par spros pa ting nge 'dzin gyi rgyal po zhes bya ba theg pa chen po'i mdo