| e-texts navigator |
| བོད་ཡིག |
111b1 rtsib pa dang / shing dang bong ba dang / mig yor lta bu ngan pa/ dbu ba rdos pa lta bu yin zhing / 'byung ba chen po bzhi phan tshun nas bsdus pa ni gzugs zhes bya'o// gzugs ni rten cing 'brel pa
111b2 las 'byung ngo / / gang rten cing 'brel par 'byung ba de mi rtag pa'o// gang mi rtag pa ni sdug bsngal ba'o// gang sdug bsngal ba de bdag med pa'o// gang bdag med pa de rang bzhin med pa'o//
111b3 gang rang bzhin med pa de snang ba med pa'o// gang snang ba med pa de yang dag pa ma yin pa'o// gang yang dag pa ma yin pa de brdzun pa slu ba'i chos so// gang brdzun pa bslu ba'i chos de mi bden pa'o//
111b4 gang mi bden pa de de bzhin nyid ma yin no// gang de bzhin nyid ma yin pa de de bzhin gshegs pa ma yin no// de bzhin gshegs pa ni bden pa yang dag pa de bzhin nyid ma nor ba de bzhin nyid// gzhan
111b5 ma yin pa de bzhin nyid/ ma log pa bden pa smra ba/ yang dag pa smra ba/ shes pa smra ba/ ye shes kyi mtshon cha can// ye shes mtha' yas pa dang ldan pa/ thams cad mkhyen pa/ thams cad gzigs pa
111b6 stobs cu dang ldan pa/ / mi 'jig pa bzhi dam pa'i pha rol tu phyin pa thob pa/ mi rtog pa/ rnam par mi rtog pa/ mi gos pa/ nam mkha' dang mtshungs pa/ grangs kyi chos rnams kyis mi 'grangs pa/ ma
111b7 byas pa ma skyes pa/ ma 'gags pa/ 'jug pa med pa// mtha' yas pa/ gnas med pa/ rnam par mi rig pa/ rnam par shes par bya ba ma yin pa/ kun tu rgyu ba med pa/ shin tu dag pa/ nyon mongs
iiif viewer powered by OpenSeadragon
Texts on this page
S68 - 'phags pa rab tu zhi ba rnam par nges pa'i cho 'phrul gyi ting nge 'dzin zhes bya ba theg pa chen po'i mdo