rKTs

e-texts navigator

Volume

Page

263b₁ dbang du song zhing lag tu song ba ste/ nya pas ci dga' mgur bya ba'i yin par rig par bya'o// de bzhin du dge sbyong dang bram ze gang kha cig sngon gyi mtha' la rtog cing / sngon gyi mtha' la gnas
263b₂ palta bar song ba rnams dang / / phyi ma'i mtha' la rtog cing phyi ma'i mtha' la gnas pa lta bar song ba rnams kyis kyang gyon du dmyigs su zin kyang // de thams cad lta ba'i chu'i nang na 'dug pas bdud sdig
263b₃ can gyi dbang du song zhing lag tu song ste/ bdud sdig can gyis ci dga' mgur bya ba dag go// dge slong dag dge sbyong dang bram ze gang de dag sngon gyi mtha' la rtog cing rtag par smra ba dag bdag dang
263b₄ 'jig rten rtag go zhes mngon par brjod pa ni 'di lta ste/ gzhi gzhi po dag la ste/ dge sbyong dang bram ze gang de dag phyi ma'i mtha' la rtog cing zhes bya ba ni mthong ba'i chos la mya ngan las 'das par sla
263b₅ ba dag mthong ba'i chos la mya ngan las 'das par mngon par smra zhing mngon par brjod pa ni gzhi gzhi po dag la ste zhes bya ba'i bar du'o/ / dge sbyong dang bram ze mkhas pa ma yin zhing ma rig par 'gyur
263b₆ pa bag med cing rmongs pa la gnas pa de dag la rig par bya ste/ de ni srid pas rnam par bskyod pa'o// dge slong dag de la dge sbyong dang bram ze gang de dag sngon gyi mtha' la rtog cing rtag par smra ba
263b₇ dag bdag dang 'jig rten ni rtag go zhes mngon par smra zhing mngon par brjod pa ni 'di lta ste/ gzhi gzhi po dag la ste/ de yang rten cing 'brel bar 'byung ba yin par srid kyi rten cing 'brel bar

_{iiif viewer powered by OpenSeadragon}

263a - 264a

Texts on this page