rKTs

e-texts navigator

Volume

Page

258a₁ rlung bskur ba de thams cad ni gzhi bzhi po 'di dag la ste/ de las ma lhag mi mang la/ de dag de bzhin gshegs pas yang dag par ji lta ba bzhin rab tu mkhyen/ de las
258a₂ lhag par yang dag pa ji lta ba bzhin rab tu mkhyen to/ / de ltar na/ lta bar song ba ni 'di ltar 'dzin pa dang / 'di ltar mchog tu 'dzin pa dag ni snga ma bzhin no// dge slong dag/ dge sbyong
258a₃ dang / bram ze kha cig sngon gyi mtha' la rtog cing sngon gyi mtha' dang ldan pa lta bar song ba dag mngon par smra zhing mngon par brjod pa de thams cad ni lta bar song ba bco brgyad pa 'di dag ste/
258a₄ delas mi lhag mi mang zhes bya ba nas lhag par mkhyen to zhes bya ba'i bar du snga ma bzhin no// dge slong dag chos gang dag gzhan zab pa zab par snang ba zhes bya ba dag ni snga ma bzhin
258a₅ no/ / dge slong dag chos gang dag gzhan zab pa zab par snang ba dag gang zhe na zhes bya ba dag ni snga ma bzhin no// dge slong dag dge sbyong dang bram ze kha cig gi phyi ma'i mtha' la rtog cing 'du
258a₆ shes can du smra ba dag yod de/ de phan chad bdag ni 'du shes can ma yin no zhes kha cig mngon par smra zhing mngon par brjod pa na 'di lta ste/ gzhi bcu drug po dag/
258a₇ la'o// dge slong dang bram ze shes ldan de dag ci la rten cing ci la gnas nas/ ci la gnas bcas te/ phyi ma'i mtha' rtog cing 'du shes can du smra ba dag/ de phan chad bdag ni 'du shes

_{iiif viewer powered by OpenSeadragon}

257b - 258b

Texts on this page