rKTs

e-texts navigator

Volume

Page

347b₁ mchod par 'gyur/ / des ni myur du byang chub mchog rtogs 'gyur// de nas bcom ldan 'das la/ byang chub sems dpa' sems dpa' chen po ltad mo can gyis 'di skad ces gsol to// bcom ldan 'das
347b₂ bdag ni 'di la the tsom skye ste/ bcom ldan 'das ci lus 'dis rgyal srid kyi khongs spyod bsgrubs nas/ slar yang sdug bsngal sgrub par 'gyur ram/ 'khor bar 'khor ba'i tshe skyo bar mi 'gyur ram/ skye ba dang /
347b₃ rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnams yongs su myong bar 'gyur zhing ji ltar skye/ ji ltar 'gum/ ji ltar 'tsho/
347b₄ ji ltar bde ba bsgrub par 'gyur/ ji ltar sdug bsngal myong bar 'gyur/ de nas bcom ldan 'das kyis/ byang chub sems dpa' sems dpa' chen po ltad mo can la 'di skad ces bka' stsal to// ltang
347b₅ mo can 'di ni las kyi rkyen yin par blta bar bya'o/ / rigs kyi bu yang 'di la gang yang skye ba med/ 'chi ba med/ 'tshe ba med de/ rigs kyi bu 'di la rga ba dang / 'chi ba ni med kyi/ 'tshe ba'i khams ni
347b₆ rtag tu lus kyi rnam par shes pa la gnas so/ / yang las kyi rkyen dang / las kyi gzhis skye ba sna tshogs su 'ongs shing 'phos nas/ bde ba dang / sdug bsngal myong bar 'gyur to// bde ba la
347b₇ bde bar 'du shes/ sdug bsngal la sdug bsngal du 'du shes/ bde ba yang ma yin/ sdug bsngal yang ma yin pa la/ bde ba yang ma yin/ sdug bsngal yang ma yin pa'i 'du shes skyed mod kyi

_{iiif viewer powered by OpenSeadragon}

347a - 348a

Texts on this page