| e-texts navigator |
| བོད་ཡིག |
216a1 'du ba thams cad sdud pa ltar// byang chub sems dpa' chos nyid gang du'ang mi 'gro la// sangs rgyas sa yi yon tan gang yin thams cad sdud// gang
216a2 la bde gshegs byang chub sems dpa' dang bstan yod/ / shes rab pha rol phyin pa mchog la bsam sbyor ba// nyan thos rang rgyal sa gnyis shin tu 'das byas nas// zil gyis mi
216a3 non rgyal ba'i byang chub myur du 'thob/ / dper na rgya mtshor 'jug pa'i gru ni chag 'gyur la// mi gang ro 'am rtswa 'am shing ni mi 'dzin par// chu dbus 'jig par 'gyur te ngogs su phyin
216a4 mi 'gyur/ / gang zhig 'dzin pa rgya mtsho'i pha rol phyin par 'gyur// de ltar dang ldan dang ba thob pa gang zhig ni// shes rab pha rol phyin yum rjes su mi 'jug min// de dag thabs kyi
216a5 yon tan shes rab yongs zin na/ / mchog tu rmad byung bde gshegs byang chub myur du reg/ dper na la la rdza so ma gtang chu skyed na// nyam chung phyir ni myur du 'jig par rig par bya//
216a6 so btang bum par chu bskyed lam du 'jig pa yi// 'jigs pa med cing bde bar khyim du phyin par 'gyur// de bzhin byang chub sems dpa' dad pa mang gyur kyang // shes rab rnam par
216a7 nyams na myur du ma rungs 'gyur/ / dad pas shes rab de ni yongs su zin gyur na// sa gnyis shin tu 'das te byang chub mchog thob 'gyur// dper na bcos legs ma byas gru ni rgya mtsho'i
iiif viewer powered by OpenSeadragon
Texts on this page
S19 - 'phags pa shes rab kyi pha rol tu phyin pa sdud pa tshigs su bcad pa