| e-texts navigator |
| བོད་ཡིག |
207a1 bstan yin/ / bdag ni mnyam par gzhag ce'am langs shes rlom sems med// ci'i phyir zhe na chos kyi rang bzhin yongs shes phyir// de ltar spyod na bde
207a2 gshegs rnams kyi shes rab spyod/ / des ni spyod med spyod pa yin par rab shes phyir// chos gang spyod pa de yang dmigs par mi 'gyur te// 'di ni shes rab pha rol phyin mchog spyod pa yin/
207a3 gang zhig yod pa ma yin de ni med ces bya// byis pa rnams kyis de brtags yod dang med par byed// yod dang med pa 'di gnyis med pa'i chos yin te// byang chub sems dpa' gang gis
207a4 'di shes nges par 'byung / / gang 'dir phung po lnga dag sgyu ma 'dar shes shing // sgyu ma gzhan dang phung po gzhan du mi byed la// sna tshogs 'du shes bral zhing nye bar zhi spyod pa// 'di ni/
207a5 shes rab pha rol phyin mchog spyod pa yin// dge ba'i bshes dang ldan zhing lhag mthong ldan gyur pa// rgyal ba rnams kyi yum mthus skrag par yongs mi 'gyur// gang zhig sdig pa'i
207a6 grogs ldan gzhan gyi dring mi 'jog/ de ni snod so ma btang chu reg zhig pa bzhin// ci phyir 'di ni byang chub sems dpa' bya zhe na// chags pa gcod byed kun la chags pa zad par 'dod/
207a7 rgyal ba rnams kyi byang chub chags med gyur la reg/ des na 'di ni byang chub sems dpa'i ming thob bo// ci phyir 'di ni sems dpa' che zhes bya zhe na// sems can tshogs mang po yi mchog
iiif viewer powered by OpenSeadragon
Texts on this page
S19 - 'phags pa shes rab kyi pha rol tu phyin pa sdud pa tshigs su bcad pa