| e-texts navigator |
| བོད་ཡིག |
189a1 'du shes dang / 'du byed rnams dang / rnam par shes pa la snang ba med pa dang / kun tu snang ba dang / de la gnas pa dang / de la 'jug pa'i chos yang
189a2 dag pa ji lta ba bzhin du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// chos gang snang ba med pa dang / kun tu snang ba nyid dang ni//
189a3 de la gnas dang rab 'jug pa/ de shes nas ni byang chub thob// rab 'byor byang chub sems dpa' gzugs la gzugs yongs su tshol ba na/ de mi dmigs te/ gzugs su mi snang bar
189a4 byas shing / gzugs kyi chos nyid kyang rab tu rtogs par byas nas/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor byang chub sems dpa'
189a5 tshor ba dang / 'du shes dang / 'du byed rnams dang / rnam par shes pa la rnam par shes pa yongs su tshol ba na/ de mi dmigs te/ rnam par shes pa mi snang bar byas shing
189a6 rnam par shes pa'i chos nyid kyang rab tu rtogs par byas nas/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// rab tu rtsal nas mi dmigs chos//
189a7 sems la dngos por mi snang ba// chos nyid legs par shes pa yi// blo ldan byang chub thob par 'gyur// rab 'byor byang chub sems dpa' gzugs la dngos po med par mkhas pa ni/ gzugs
iiif viewer powered by OpenSeadragon
Texts on this page
S18 - 'phags pa shes rab kyi pha rol tu phyin pa lnga brgya pa