| e-texts navigator |
| བོད་ཡིག |
173b1 rigs kyi bu gang bla na med pa yang dag par rdzogs pa'i byang chub la mi sems pa dang / rnam par mi rtog pa de'i bzod pa 'di'ang byang chub sems pa'i chos rnams dang / sangs rgyas kyi chos rnams
173b2 'thob par 'gyur ba'o/ / gang yang sangs rgyas nyid kyi phyir/ byang chub tu mi smon pa de lta bu'i bzod pa 'di yang / rigs kyi bu de bla na med pa yang dag par rdzogs pa'i byang chub tu myur bar
173b3 'gyur ba bshad do/ / chos thams cad ni sangs rgyas kyi chos so zhes su de ltar mos shing zhum par mi 'gyur ba de bla na med pa yang dag par rdzogs pa'i byang chub las phyir mi ldog par ngas bshad//
173b4 de ni sangs rgyas kyi chos thams cad dang ma bral bar brjod par bya'o// rigs kyi bu 'am/ rigs kyi bu mo gang gis bstan pa 'di thos nas rmongs par mi 'gyur ba dang / som nyi za
173b5 bar mi 'gyur ba de'ang / sangs rgyas kyi chos thams cad dang mi 'bral bar 'dod par bya'o// de skad ces bka' stsal pa dang / bcom ldan 'das la/ 'jam dpal gzhon
173b6 nur gyur pas 'di skad ces gsol to/ / bcom ldan 'das bla na med pa yang dag par rdzogs pa'i byang chub rgyu las nges par 'byung ba lags sam/ bcom ldan 'das kyis bka' stsal pa//
173b7 'jam dpal de ni ma yin te/ bla na med pa yang dag par rdzogs pa'i byang chub ni rgyu ma yin zhing / rgyu las nges par byung ba'ang ma yin no// de ci'i phyir zhe na/ skye ba med pa dang
iiif viewer powered by OpenSeadragon
Texts on this page
S17 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo