| e-texts navigator |
| བོད་ཡིག |
171b1 pa gcig yid la bya'o/ / chos thams cad kyang yid la bya'o// de bzhin gshegs pa gang yid la byed pa de'i ming yang gzung bar bya'o// ming de'ang zos te dmigs nas/ de bzhin
171b2 gshegs pa phyogs ga la bzhugs pa'i phyogs der mngon du bltas te 'dug par bya'o/ / yid la bya'o// de bzhin gshegs pa de nyid yid la byas na/ yid la byas pas 'das pa dang
171b3 ma byon pa dang / da ltar byung ba'i sangs rgyas bcom ldan 'das rnams yid la byas par 'gyur ro// de ci'i phyir zhe na/ de bzhin gshegs pa nyid gcig pa'i phyir ro// 'jam
171b4 dpal ji ltar de bzhin gshegs pa gcig gi sangs rgyas kyi yon tan tshad med pa dang / de spobs pa tshad med pa de bzhin du/ 'jam dpal bkod pa gcig pa'i ting nge 'dzin thob
171b5 nas skye ba med pa gcig chos kyi rnam grangs kyi bye brag tshad med par shes par bya'o/ / 'dir gang dag chud par 'gyur ba dang / de bzhin gshegs pa dgra bcom pa yang dag par
171b6 rdzogs pa'i sangs rgyas kyis gang dag gsungs pa dang / kun dga' bos ji snyed yongs su gzung ba de snyed kyi chos kyi rnam grangs 'dir snang bar 'gyur ro// bkod pa gcig pa'i ting
171b7 nge 'dzin 'di bsgrubs pas de'i tshe tshad ji tsam pa de tsam du gnas shing / gleng gzhi dang bcas pa'i chos bstan par 'gyur ro// 'jam dpal de la byang chub sems dpa'i theg pa pa kha cig
iiif viewer powered by OpenSeadragon
Texts on this page
S17 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo