rKTs

e-texts navigator

Volume

Page

70b₁ gzugs kyi chos rnams yang dag pa ji lta ba bzhin du so sor brtags nas/ yang dag pa ji lta ba bzhin du rab tu shes pa gang yin pa de ni/ chos so so yang dag par rig pa zhes bya'o//
70b₂ nges pa'i tshig so so yang dag par rig pa ni/ 'di lta ste/ gzugs rnams la thogs pa med pa'i ye shes kyi thabs mkhas pas nges pa'i tshig rnam pa sna tshogs kyis rnam par 'byed
70b₃ pa gang yin pa de ni/ nges pa'i tshig so so yang dag par rig pa zhes bya'o// spobs pa so so yang dag par rig pa ni/ 'di lta ste/ gzugs kyi chos rnams sems can gyi dbang po ji lta ba
70b₄ bzhin du rnam par phye ste ston par byed kyang / kun nas nyon mongs pa med cing / mngon par zhen pa med pa gang yin pa de ni/ spobs pa so so yang dag par rig pa zhes bya'o// byang chub
70b₅ sems dpa' ni 'di lta bu'i ye shes dang ldan pas/ gzugs kyi chos la rmongs shing mngon par zhen par gyur pa'i sems can thams cad kyi rang bzhin dang / 'dun pa ji lta ba bzhin du rtsol ba
70b₆ med pa'i ye shes kyis ci rigs par chos ston par byed kyang / chos kyi dbyings la mtshan nyid gnyis su gyur pa med de/ sgra dang / dri dang / ro dang / reg bya dang / chos kyi bar la'ang de bzhin du
70b₇ rgyas par sbyar te/ glog thob 'di ni byang chub sems dpa' sems dpa' chen po rnams kyi chos kyi gter zhes bya'o// byang chub sems dpa' gang gis gter 'di thob par gyur na/ spyod yul rnams

_{iiif viewer powered by OpenSeadragon}

70a - 71a

Texts on this page