rKTs

e-texts navigator

Volume

Page

68b₁ du skye ba'ang rga shi la mi sems mi rtog la/ rga shi'ang skye ba la mi sems mi rtog pas/ de ltar na chos thams cad ni rang bzhin dmigs su med pas mngon par 'du bya ba med pa/ dran pa
68b₂ med pa/ bdag dang bdag gi ba med pa/ rang bzhin gyis rnam par dag pa/ phan tshun gcig gis gcig mi rig pa yin no// so so'i skye bo rnams 'di lta bu'i chos ma thob pa'i
68b₃ phyir/ gzugs ni bdag yin no// bdag ni gzugs rnams dang ldan no// gzugs ni bdag gi yin no zhes 'dzin par byed de/ tshor ba dang / 'du shes dang / 'du byed dang /
68b₄ rnam par shes pa'i bar la'ang de bzhin no// bdag dang bdag gir 'dzin pa la mngon par zhen pa 'di'i dbang gis mi rtag pa la rtag par 'dzin par byed/ sdug bsngal la bde bar 'dzin par
68b₅ byed mi sdug pa la sdug pa nyid du 'dzin par byed/ bdag med pa la bdag tu 'dzin cing phyin ci log bzhi skyed par byed do// phyin ci log tu lta ba'i phyir ma rig pas rmongs nas/ yang
68b₆ dag par tshul bzhin du yid la mi byed cing / sems kyi rjes su mngon par zhen par gyur pas/ srid pa'i sred pa 'ching ba gcod par mi nus shing / 'khor ba'i 'khor bar rgyun mi 'chad
68b₇ par 'bor bar gyur pa yin no/ / mkhas pa dag ni chos kyi dbyings kyi mtshan nyid la shin tu legs par rtog par byed pa'i phyir bdag dang / gang zag dang / sems can zhes bya ba nas

_{iiif viewer powered by OpenSeadragon}

68a - 69a

Texts on this page