rKTs

e-texts navigator

Volume

Page

67a₁ gshegs pas rtag tu sems can gang rnam par dkar zhing yongs su dag pa'i chos las cung zad cig nyan par gyur na/ rnams kyang yongs su mya ngan las mi 'da' bar mi 'gyur ro//
67a₂ zhes gsungs pas so// byang chub sems dpa' ni gal te 'dod chags spyod pa'i sems can mthong na/ sems can 'di dag 'dod chags kyi gdung bas bsregs par gyur pa'ang bdag gis nyes pa
67a₃ yin no snyam du sems so/ / zhe sdang dang gti mug gi gdung bas bsregs par gyur pa de dag mthong na'ang / 'di dag thams cad ni bdag gis nyes pa yin no snyam du sems so// de ci'i phyir
67a₄ zhe na/ bdag gis sems can thams cad na ba'i sdug bsngal dang ldan par gyur pa de dag mthong bar gyur na/ sman yongs su btsal te/ thabs mkhas pas yongs su gso ba'i rigs pa las
67a₅ bdag sngon sems can gyi nad bsal bar yi dam bcas na/ deng yal bar dor ba 'di nyid bdag gi nyes pa yin no snyam du sems pas so// byang chub sems dpa' ni de lta bu'i bsam pa dang
67a₆ ldan pas bdag nyid kyi nyes pa la lta zhing / sems can rnams la byams pa'i sems skyed par byed do// gal te gsod pa 'am/ lus kyi yan lag dang nying lag gcod cing gtub pa zhig dang phrad
67a₇ par gyur na'ang / pha rol gnod pa byas pa de dag la lan bya'o snyam pa'i bsam pa med do// glog thob byang chub sems dpa' de ltar yang dag par sgom pa na/ 'das pa'i mi dge ba'i las ji snyed

_{iiif viewer powered by OpenSeadragon}

66b - 67b

Texts on this page