rKTs

e-texts navigator

Volume

Page

63a₁ ba'i dge slong dri ma med pa ni rgyal po'i pho brang du 'byung zhing 'jug la thags thogs ma mchis te/ dge slong 'di 'dod chags dang bral ba'ang ma lags la/ dus ma
63a₂ lags par yang zas 'tshal te/ spos dang 'phreng ba dag gis kyang lus brgyan par bgyid pas yang dag par tshangs pa spyod pa ma lags pas/ mchod pa mdzad pa'i mi rigs
63a₃ so/ bdag cag ni don 'di'i slad du 'dir mchis nas rgyal po la gsol ba lags kyis/ slad kyis 'gyod par yang ma mdzad cig/ sangs rgyas kyi yang dag pa'i
63a₄ bstan pa la thugs mi ches pa'ang mi bskyed du gsol zhes smras so/ / de'i tshe bdud sdig can zhes bya ba zhig kyang bdag nyid dge slong gi gzugs su bsgyur nas rgyal po
63a₅ ga la ba der song ste snga ma bzhin du smras pa/ de'i tshe rgyal po rgya cher byin pa'ang yang nas yang du de skad smras pa thos nas/ 'di snyam du dge slong dri ma med pa ni rab tu brtson zhin blo dang ldan pas
63a₆ bdag gis bla mar bkur ba yin te/ dngos po 'di lta bu byed pa ni gnas med do snyam mo// de nas de'i tshe bdud kyi 'khor rnams par snang las lus phyed bstan nas rgyal po de la tshigs su
63a₇ bcad de smras pa/ / rgyal po bzo yi sgyu rtsal slobs// dus tshod dag la mkhas par gyis// rgyal po de ni ma shes na// mi rgyal rtags dang ldan ma yin// sangs rgyas nyan thos dgra bcom

_{iiif viewer powered by OpenSeadragon}

62b - 63b

Texts on this page